МЕДИЦИНАЛЫҚ ҚЫЗМЕТ КӨРСЕТУГЕ ҚОРЫТЫНДЫНЫ БЕРЕТІН ДӘРІГЕРЛІК КОМИССИЯНЫҢ ОТЫРЫСЫ

Қазақстан Республикасы Денсаулық сақтау министрінің 2021 жылғы 15 ақпандағы «Емделу үшін біржолғы зейнетақы төлемдерін пайдалану қағидаларын бекіту туралы» № ҚР ДСМ-18 бұйрығына сәйкес «№ 1 қалалық емханада» біржолғы зейнетақы төлемдері есебінен төленетін медициналық қызмет көрсетуге қорытындыны беру үшін дәрігерлік комиссиясы құрылды. Бүгін комиссияның алғашқы отырысы өтті. 

Біржолғы зейнетақы төлемдерін емдеу мақсатында пайдаланудың негізі дәрігерлік-консультациялық комиссияның анықтамасы болып табылады, ол медициналық қызметтер көрсетуге арналған медициналық көрсетімдер бойынша беріледі:

1.  «Халық денсаулығы және денсаулық сақтау жүйесі туралы» Қазақстан Республикасының 2020 жылғы 7 шілдедегі Кодексі 177-бабының 3-тармағына сәйкес денсаулық сақтау саласындағы уәкілетті орган айқындайтын тізбесі бойынша орфандық ауруларды емдеу, оларды дәрілік қамтамасыз ету, сондай-ақ емдеу тактикасын айқындау үшін диагностикалық зерттеулер.
2. Қазақстан Республикасының аумағында орналасқан медициналық ұйымдарда көрсетілетін стоматологиялық қызметтер (тістерді протездеу, импланттау).
3. Операциядан кейінгі тыртықтар мен туа біткен ақауларды, сондай-ақ жүргізілген мастэктомиядан кейінгі түзету мақсатында реконструктивтік және қалпына келтіру операциялары (пластикалық).
4. Радионуклидтік және радиойодтерапия.
5. Радиохирургиялық емдеу (гамма-пышақ, киберпышақ).
6. Протон терапиясы.
7. Офтальмологиялық қызметтер (мүйізді коллагеннің кросслинкингі, көзді лазерлік түзету).

Өтініш беруші емделуге берілетін біржолғы зейнетақы төлемдерін пайдалану үшін БЖЗҚ-дан біржолғы зейнетақы төлемінің қолжетімді сомасы туралы ақпаратты алады. Өтініш беруші ЭЦҚ арқылы уәкілетті оператордың интернет-ресурсында авторизацияланады және өзінің жеке кабинетін ашып, емдеуге арналған біржолғы зейнетақы төлеміне арналған электрондық өтінішті толтырады. Алушы қаражат арнайы шотқа түскеннен кейін дәрігерлік комиссияның қорытындысын (дәрігерлік-консультациялық комиссияның анықтамасы) беру туралы өтінішпен өзі тіркелген жердегі медициналық ұйымға жүгінеді және жеке басын куәландыратын құжаттың көшірмесін және бейінді маманның қорытындысын қоса береді.