Қарттар күніне арналған "ашық есік күні"

Нұр-Сұлтан қаласы №5 қалалық емханада Қарттар күніне арналған ашық есік күні өтті. Акция аясында қарт адамдар арнайы мамандардан тегін кеңес ала алды: кардиолог, офтальмолог, гастроэнтеролог және невропатолог және т.б. Біздің қызметкерлер әрбір зейнеткерге тиісті назар аударды. Келген тұрғындар дәрігерлік тексеруден өтіп, оларға әрі қарай емдеуге ұсыныстар берілді.

Сонымен қатар мерекеге орай кәсіподақ ұйымы біздің емхананың қарт қызметкерлеріне концерт ұйымдастырды.

Шара барысында "Шуақ" жастар орталығының еріктілерінің қатысуымен концерттік қойылымдар болды. Емханамыздың зейнеткер мамандарына сыйлықтар ұсынылып, фуршет үстеліне шақырылды.