Тәжірибеден алынған жағдай

Түркістан облысының Облыстық клиникалық ауруханасының инсульт орталығына «геморрагиялық инсульт (бас миына қан құйылу)» диагнозымен ауыр халдегі науқас түсті, оның себебі бас миының күрделі тамырлы патологияларының бірі - артериялық-веноздық мальформация болып табылады. МӘМС шеңберінде науқасқа бас миының селективті ангиографиясы жасалынып, АВМ-ді эмболизациялаумен жалғасып, операция сәтті аяқталды. Науқас қанағаттанарлық жағдайда неврологиялық тапшылығы толық қалпына келуімен шығарылды. Бұрын мұндай операциялар тек жоспарлы түрде Нұрсұлтан немесе Алматы қалаларында жүргізілген. Осы жылы инсульт бөлімшесінде 89 нейрохирургиялық операция және 41 тромболизистік терапия жасалынды.